Tuesday, April 28, 2009

Smell

Vo no khushbu hai na badbu, sirf ek smell hai
Jiss se judi hai kitni yaadien, kini baatien…
Jaise kal lift main aate hi
Aapki smell thi
Aap, jinko main saalon pehle bhool chuki thi
Aur achanak sab kuch aankhon ke saamne aa gaya
Aapke baat karne ka vo alag sa style
Kitna hansaate the, kitne roobab se baat karte the
Jaate jaate kitna rulaya bhi tha
Kitne arse tak aapki vo smell takiye se nahi gayi
Kisi perfume ke saath mili cigarette ki vo khushbu
Usmein aapki hansi bhi chupi hai
Aur vo serious baat ke beech aankh maarne ki ada bhi
Der raat tak vo smell mere saath hi rahi….

No comments: